جائز آمدنی والے کے لیے ناجائز آمدنی والے کے ساتھ رہنا

بینک کی آمدن میں سود اور ناجائز منافع سے ہوتی ہے، نیز سودی اور ناجائز معاملات میں تعاون بھی ہوتا ہے۔ اس لیے بینک کی ملازمت جائز نہیں ہے،اور اس ملازمت سے ملنے والی آمدن حرام ہے۔ان کو کسی جائز ذریعہ سے ملازمت تلاش کرنی چاہیے۔

باقی حرام آمدنی والوں کے ساتھ کھانے وغیرہ کے اخراجات میں شراکت داری کرنا جائز نہیں۔ آپ دوسری جگہ تلاش کریں،  جب تک نہ ملے، انہیں حکمت سے سمجھا کر اپنا کھانا پینا علیحدہ رکھیں، یا اگر وہ کسی جائز آمدنی والے سے قرض لے کر شامل ہوتے رہیں، تو آپ کا کھانا جائز ہوجائےگا۔ فقط واللہ اعلم