زیارہ نام کا معنی

"زِیَارَه"(ز کے کسرہ کے ساتھ )عربی لغت کے اعتبار سے یہ مصدر ہے، جس کے معنی آتے ہیں:کسی کی زیارت اور ملاقات کو جانا ۔(مصباح اللغات ،ص:351قدیمی )المصباح المنیر میں ہے:

" ( ز و ر ) : ... وزاره يزوره زيارة وزورًا قصده فهو زائر وزور وقوم زور وزوار مثل : سافر وسفر وسفار ونسوة زور أيضًا، وزور وزائرات والمزار يكون مصدرًا وموضع الزيارة والزيارة في العرف قصد المزور إكرامًا له واستئناسًا به". (4/119)

المعجم الوسیط میں ہے :

’’( زاره )

زورًا وزيارةً ومزارًا أتاه في داره للأنس به، أو لحاجة إليه فهو زائر‘‘. (1/406)

مذکورہ نام کے بجائے صحابہ و صحابیات کے ناموں میں کسی نام کا انتخاب کرکے رکھنا زیادہ بہتر ہے ، ہماری ویب سائٹ اور ایپلی کیشن میں "اسلامی ناموں" کےعنوان سے ایک آپشن موجود ہے،وہاں  سے بھی  آپ نام کا انتخاب کرسکتے ہیں۔فقط واللہ اعلم