ایک بڑی سورت کو کئی رکعات میں پڑھنا

کسی طویل سورت کو کئی رکعات میں تقسیم کرکے پڑھا جاسکتاہے ، بس یہ خیال رہے کہ ہر رکعت میں کم از کم اتنی تلاوت ہو جو نماز کی صحت کے لیے کافی ہو۔ یعنی سورہ فاتحہ کے علاوہ کم از کم تین مختصر آیات یا ایک طویل آیت (فرض کی آخری دو رکعت کے علاوہ ہر نماز کی) ہر رکعت میں تلاوت کی جائے۔ 

فتاوی شامی میں ہے:

"(ولابأس أن یقرأ في الأولی من محل، وفي الثانیة من آخر ولومن سورة إن کان بینهما آیتان فأکثر".

وفي رد المحتار: تحت قوله: "ولومن سورة":

لکن الأولی أن لایفعل بلا ضرورة؛ لأنه یوهم الإعراض والترجیح بلا مرجح". ( باب صفة الصلاة ۱/ ۵۴۶ )فقط واللہ اعلم