صدقہ کے لئے جمع کی گئی رقم میں غیر مسلم (ہندو) کے پیسے ملانے کا حکم
سوال
ہم ایک کمپنی میں ملازم ہیں، ہم ہر مہینہ مشترکہ صدقہ کے لئے پیسے جمع کرتے ہیں، ہمارے ساتھ ایک ہندو بھی ہے وہ بھی اپنی مرضی سے پیسے جمع کراتا ہے، کیا اس طرح مشترکہ صدقہ ہو جاتا ہے؟
جواب
اگر مذکورہ ہندو اپنی حلال رقم اپنی رضامندی سے آپ لوگوں کی صدقہ کی رقم کے ساتھ ملاتا ہے تو اس میں کوئی حرج نہیں ہے، آپ لوگوں کی طرف سے وہ رقم صدقہ ہوگی اور اس ہندوں کی طرف سے عطیہ ہوگی۔
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144104200529
تاریخ13-12-2019
