شادی سے پہلے بیوی کا نامحرم کے ساتھ تصویر کھچوانا

واضح رہے کہ تصویرکھینچنا اور کھچوانا شرعاً جائز نہیں، عورت کا غیر محرم کے ساتھ تصویر کھنچوانا دہرے گناہ کا سبب ہے، لہذا مذکورہ خاتون کا شادی سے پہلے غیر محرم شخص کے ساتھ تصویر کھنچوانا شرعاً جائز نہیں تھا، اگر شوہر کو اس کی غیر محرم کے ساتھ تصویر کھچوانے کا علم ہو چکا ہے اور خاتون اس گناہ سے توبہ کرچکی ہے  اور آئندہ نہ کرنے کا عزم کرچکی ہے تو شوہر کو چاہیے کہ وہ اسے معاف کردے، اور اس بات پر آئندہ طعنہ بھی نہ دے۔ البتہ آئندہ وہ بیوی کو پاکیزہ ماحول فراہم کرے، تاکہ دوبارہ ایسا موقع نہ آئے۔  فقط واللہ اعلم