مہر کی اقل اور اکثر مقدار

 مہر کی کم سے کم مقدار۱۰  درہم کے بقدر چاندی یا اس کی قیمت ہے ۔  اور۱۰  درہم کا وزن۲  تولہ ساڑھے سات ماشہ ہے، اور موجودہ وزن کے مطابق  اُس کی مقدار ۳۰  گرام۶۱۸  ملی گرام ہوتی ہے۔ اور مہر کی زیادہ سے زیادہ مقدار کی شریعت میں کوئی حد مقرر نہیں ہے، جس پر دونوں گھرانے راضی ہوجائیں وہ طے کرسکتے ہیں۔ تاہم مہر میں بہت زیادہ مبالغہ (جو حیثیت سے بڑھ کر ہو) یا دکھلاوا شرعاً پسندیدہ نہیں ہے۔  فقط واللہ اعلم