ملازم کے انتقال کے بعد اس کی جگہ ملازمت کرنے والے کا مرحوم ملازم کی بیوہ کو آدھی تنخواہ دینا

صورتِ مسئولہ میں مرحوم کے انتقال کے بعد اس کی جگہ جو دوسرا شخص بعد میں  ملازمت کررہا ہے  اس ملازمت کی تنخواہ کا وہی حق دار اور مالک ہے،  اس پر سابقہ ملازم کی بیوہ کو آدھی تنخواہ دینا لازم نہیں تھا، اور جو وہ تنخواہ دے رہا تھا وہ اس کی طرف سے تبرع واحسان تھا، لہذا اگر اب شخص پہلے ملازم کی بیوہ کے انتقال کے بعد اس کی بیٹیوں کو بھی اپنی تنخواہ میں سے کچھ دیتا ہے تو یہ اس کی طرف سے تبرع ، احسان اور ثواب کا باعث ہوگا، تاہم اس سے زبردستی اس کا مطالبہ نہیں کیا جاسکتا ہے۔

تبیین  الحقائق  میں ہے:

      "ولا جبر على المتبرع كالواهب". (6 / 77، کتاب الرہن، ط: دار الکتاب الاسلامی) فقط واللہ اعلم