غیر مسلم کا مسجد میں نماز میں شامل ہونا

غیر مسلم پاکی کی حالت میں مسلمانوں کی مسجد میں داخل ہوسکتاہے،  نیز اگر وہ مسلمانوں کے ساتھ نماز میں شامل ہوکر مسلمانوں کی مانند نماز کے ارکان ادا کرتاہے تومسلمان نمازیوں کی نماز میں اس سے کوئی خلل واقع نہیں ہوتا۔  البتہ یہ واضح رہے کہ غیر مسلم مسجد میں داخل ہوکر اپنے مذہب کے مطابق عبادت نہیں کرسکتا۔ البحرالرائق میں ہے :

"وفي الحاوي: ولا بأس أن يدخل الكافر وأهل الذمة المسجد الحرام وبيت المقدس وسائر المساجد؛ لمصالح المسجد وغيرها من المهمات". (15/8)فقط واللہ اعلم