مذاق میں قسم کھانا

اگر کوئی شخص (آئندہ کسی کے کام کے کرنے یا نہ کرنے کے حوالے سے) مذاق میں قسم کے الفاظ استعمال کرتا ہے تو ان الفاظ سے بھی قسم منعقد ہو جائے گی، اس کے ذمہ اپنی قسم کو پورا کرنا لازم ہو گا اور قسم پوری نہ کرنے کی صورت میں کفارہ ادا کرنا لازم ہو گا۔

اور اگر مذاق میں کوئی ایسی قسم کھائی جس کا تعلق گزشتہ زمانے سے تھا اور مذاق میں بالقصد جھوٹی  قسم کھائی تو جھوٹی قسم کھانے کی وجہ سے سخت گناہ گار ہو گا،  لیکن اگر بلا ارادہ زبان پر  قسم کے الفاظ  جاری ہو گئے تو امید ہے کہ مؤاخذہ نہ ہو گا۔

الفتاوى الهندية (2/ 52):
"واليمين في الماضي إذا كان لا عن قصد لا حكم له في الدنيا، والآخرة عندنا". فقط واللہ اعلم