مدینہ سے مکہ آکر روانگی سے دو دن پہلے حیض آگیا
سوال
اگر عورت مدینہ کے میقات سے عمرہ کی نیت کر لے اور مکہ آجائے اور پھر اسے حیض آجائے اور دو دن بعد واپسی کی فلائٹ ہو تو شریعت میں اس کا کیا حکم ہے؟
جواب
اگر مکہ مکرمہ پہنچ کر ابھی تک عمرہ نہ کیا ہو اور عورت کو حیض آجائے اور حیض ختم ہونے کا انتظار کرنے کا وقت بھی نہ ہو تو ایسی مجبوری کی صورت میں حیض کی حالت میں ہی عمرہ کرلے اور حرم کی حدود میں دم دے دے۔
الدر المختار وحاشية ابن عابدين (رد المحتار) (2 / 551):
"وفي الفتح: لو طاف للعمرة جنباً أو محدثاً فعليه دم". فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144103200472
تاریخ19-11-2019
