ماہانہ نکالے جانے والے نفلی صدقہ کے پیسوں سے بچے کا عقیقہ کرنا

اپنی آمدن میں سے  10  فیصد حصہ اللہ تعالیٰ کی راہ میں دینے کا جو  آپ کا معمول ہے، اسے غریبوں، ضرورت مندوں اور مسجد و مدارس وغیرہ میں خرچ کرنا ہی زیادہ بہتر ہے، اگر استطاعت ہو تو بچے کا عقیقہ الگ پیسوں سے کریں۔ تاہم چوں کہ آپ نے کوئی نذر وغیرہ نہیں مانی ہے؛ اس لیے اگر آپ ان ہی پیسوں سے اپنے بچے کا عقیقہ کرلیں تو یہ بھی جائز ہے، اور ان پیسوں سے بھی عقیقہ ہوجائے گا، لیکن چوں کہ عقیقہ کے گوشت کو تو آپ خود بھی استعمال کریں گے؛ اس لیے وہ پیسے جن کو آپ نے اللہ کی راہ میں خالص دوسروں پر خرچ کرنے کا معمول بنایا ہوا ہے ان پیسوں کو ایسی جگہ لگانا چاہیے، جہاں سے آپ کو کوئی منفعت حاصل نہ ہو۔ فقط واللہ اعلم