شراکت داری میں اختلاف
سوال
میں نے کسی سے کاروبار پارٹنر شپ پر کیا, ہمارا سیزن ابھی چل رہا تھا, لیکن میرا پارٹنر جو دل میں بے ایمان ہو گیا خود ہی مجھے واپس گھر بھیج دیا, کیوں کہ میں بیمار ہو گیا تھا، جب کہ خود بھی وہ بیمار ہو گیا تھا تو میں اکیلا کام کرتا رہا، لیکن اب وہ بے زبان ہو گیا، قرآن کی روشنی میں زبان کی کیا اہمیت ہے?
جواب
صورتِ مسئولہ میں معاہدہ کی پاس داری فریقین پر لازم ہے، خلاف ورزی کرنا جائز نہیں۔
قرآنِ مجید میں عہد و پیمان اور عقود پورے کرنے کا تاکیدی حکم ہے، اور عہد کے بارے میں قیامت میں سوال کیا جائے گا۔ (سورۃ المائدۃ و بنی اسرائیل) اور حدیثِ مبارک میں ارشاد ہے کہ جس میں وعدے کی پاس داری نہیں، (گویا) اس کا کوئی دین نہیں۔ نیز وعدہ خلافی کی نیت رکھتے ہوئے وعدہ کرنا یا وعدہ خلافی کی عادت بنالینا منافق کی نشانی قرار دیا گیا ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
