جمعہ کا وقت داخل ہوتے ہی اگرخطبہ کی اذان دی جاتی ہو تو سنتیں کب پڑھیں؟
سوال
میں قطر میں مقیم ہوں، جب جمعہ کےدن خطبہ کی اذان شروع ہوتی ہے تو پاکستانی لوگ سنتیں پڑھنا شروع کردیتے ہیں، کیا ایسا کرنا درست ہے؟ لوگوں کایہ کہنا ہے کہ ابھی زوال کا وقت ختم ہوا ہے اورامام خطبہ شروع کردیتا ہے اور لوگ سنت پڑھ رہے ہوتے ہیں ۔اس پر اعتراض بھی ہوتا ہے۔
جواب
جمعہ کی نماز کا وقت داخل ہوتے ہی خطبہ کی اذان دینا اور لوگوں کو سنتِ مؤکدہ کی ادائیگی کا وقت نہ دینا درست نہیں ہے، لوگوں کوسنتِ مؤکدہ کی ادائیگی کاوقت دینا چاہیے، تاہم اگر کسی جگہ ایسا ہوتا ہو تو اس جگہ اذان کے بعد خطبہ سننے کا اہتمام کیا جائے سنتیں فرض کے بعد ادا کرلی جائیں۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144103200195
تاریخ06-11-2019
