ایک بیوہ،  ایک بیٹا اور  تین بیٹیوں میں میراث کی تقسیم

صورتِ مسئولہ میں مرحوم کی جائیداد کی تقسیم کا طریقہ کار یہ ہے کہ اولاً اس کی جائیداد میں سے اس کی تجہیز و تکفین اور قرضہ  جات (اگر کوئی ہو تو) کی ادائیگی کی جائے، پھر اگر اس نے کوئی جائز وصیت کی ہو تو اس  کو ایک تہائی میں سے نافذ کیا جائے پھر اس کی کُل جائیداد منقولہ و غیر منقولہ کو 40 حصوں میں تقسیم کر کے  5 حصے اس کی بیوہ کو، 14 حصے اس کے بیٹے کو اور 7،7 حصے ہر ایک بیٹی کو  دیے جائیں گے۔

یعنی فیصد کے اعتبار سے 12 اعشاریہ 5 فیصد مرحوم کی بیوہ کو، 35 فیصد مرحوم کے بیٹے کو اور 17 اعشاریہ 5 فیصد مرحوم کی بیٹی کو دیا جائے گا۔

نواسے نواسیوں کو میراث میں شرعی حصہ نہیں ملے گا۔فقط واللہ اعلم