خواب میں سبزسانپ اور خنریر دیکھنا اور بیوی سے پیسے لینا دیکھنا
سوال
کچھ دنوں سے ایک قریبی دوست کے ساتھ میری کاروباری ڈیلنگ شروع ہے، اسی دوران میں نے تین مختلف خواب دیکھے: 1 خواب میں سبز رنگ کے سانپ نے کاٹا۔ 2 خواب میں براؤن کلر کے دو خنزیر حملہ آور ہوئے تھے۔ 3 خواب میں بیوی نے بہت سارے پیسے دیے۔ خواب نمبر 2اور3 ایک ہی رات کے خواب ہیں۔
جواب
1 سبز رنگ کا سانپ مکار دوست کی طرف اشارہ ہے۔ لہٰذا فوراً کاروباری معاملے پر نظر ثانی کریں۔
2 اشارہ اس بات کا ہے کہ اس وقت آپ کا ماحول انتہائی بے دینی والا ہے، جس کا انجام بے حیائی والا ہے، لہٰذا اس کی فکر کریں۔
3 گھریلو اخراجات اپنے ہاتھ میں رکھیں۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144012201787
تاریخ12-10-2019
