’’مد لازم کلمی مثقل‘‘ میں لفظ ’ کلمی ‘ کے کاف پرفتحہ ہے یا کسرہ

’’مد لازم کلمی مثقل‘‘ علمِ  تجوید کی ایک خاص اصطلاح ہے، اس میں لفظ ’’کلم‘‘ کے ’کاف‘ پر دو حرکتیں پڑھی جاسکتی ہیں:

۱) ’’کاف‘‘  کے فتحہ اور  ’’ لام ‘‘  کے کسرہ کے ساتھ ’’ کَلِمي‘‘. 

۲) ’’کاف‘ ‘ کے کسرہ اور ’’لام‘‘ کے سکون کے ساتھ ’’ کِلْمي‘‘.

نیز لفظِ ’’کلم‘‘ اور ’’کلمة‘‘  کو بھی دونوں طرح (1- کاف کے فتحہ اور لام کے کسرہ کے ساتھ۔ 2- کاف کے کسرہ اور لام کے سکون کے ساتھ)  پڑھ سکتے ہیں،  اگرچہ زیادہ مشہور کاف کے فتحہ اور اور لام کے کسرہ کے ساتھ ہے۔ فقط واللہ اعلم