حج کی رقم جمع ہونے کی صورت میں پہلے خود حج کرنا چاہیے یا والدین کو حج کروانا چاہیے؟

آپ کے پاس حج کے پیسے اور استطاعت ہونے کی وجہ سے آپ پر حج فرض ہوچکا ہے، اس لیے آپ پر لازم ہے کہ آپ پہلے خود حج کر کے اپنے فرض کی ادائیگی کریں، چاہے والدیں نے حج نہ بھی کیا ہوا ہو، البتہ اپنے حج کرنے کے بعد اگر اللہ پاک مزید رقم کا انتظام کروادیں تو اس رقم سے ضرور اپنے والدین کو بھی حج کروادیں، یہ آپ کے لیے بڑی سعادت کی بات ہوگی۔ فقط واللہ اعلم