ادھار ایک بار معاف کرنا پھر لینا

قرض خواہ  اپنی رضاوخوشی سے جب  قرضہ معاف کردے  اور خود اس کااقراربھی کرتاہے تو اب معاف کردینے اورتخفیف کرنے کے بعددوبارہ اس کا مطالبہ کرناشرعاً جائزنہیں ہے۔حدیث شریف میں قرض کی معافی اورتخفیف پرنبی کریم صلی اللہ علیہ وسلم نے کئی فضلیتیں ذکرفرمائی ہیں، نیزقرض کی معافی کی بنا  پرقیامت کے دن مصائب سے چھٹکارانصیب ہوگااوربعض روایات میں ہے کہ عرش کاسایہ نصیب ہوگا؛  اس لیے شرعاً واخلاقاً  قرض کی رقم معاف کرنے کے بعد اب مطالبہ کرکے اپنے ثواب کو ضائع نہیں کرنا چاہیے۔ [فتاوی عالمگیری،الباب الخامس فی الرجوع فی الھبۃ،ج:۲،ص؛۳۶۰،۳۶۲۔ط:رشیدیہ کوئٹہ]فقط واللہ اعلم