رجاب نام رکھنا

’’رِجَاب‘‘  رجب کی جمع ہے، اور ’’رجب‘‘  ہجری سال کا ساتواں مہینہ ہے، رجب کے دیگر معانی میں  ڈرنا، گھبرانا، شرمانا، اکیلا رہ جانا وغیرہ کے آتے ہیں، یہ نام رکھنا درست نہیں، لہذا آپ اپنی صاحبزادی کا نام صحابیات کے اسماء میں سے کسی صحابیہ کے نام پر رکھ لیں، یا عمدہ معانی کے اسماء میں سے کسی نام کا انتخاب کرلیں۔

البتہ ’’رِحَاب‘‘ (را کے نیچے زیر، ح پر زبر) کے ساتھ  ’’رَحْبَه‘‘ کی جمع ہے، اس کا معنیٰ ہے: کشادہ جگہ، یا کشادگی اور وسعت۔ یہ نام رکھنے کی گنجائش ہے۔ 

مزید اچھے ناموں کے حوالے سے ہماری ویب سائٹ پر موجود اسلامی نام کے عنوان کا انتخاب کرکے استفادہ کیا جا سکتا ہے۔

تعريف و معنى رجاب في معجم المعاني الجامع - معجم عربي عربي: 

"رِجاب: (اسم) رِجاب : جمع رَجَب رَجَب: (اسم) الجمع : رجبات و أرجاب و أرجُب و أرجِبة و رِجاب و رُجوب الشّهر السّابع من شهور السَّنة الهجريَّة ، يأتي بعد جُمادَى الثانية ويليه شعبان ، وهو من الأشهُر الحُرُم التي كان العرب يُحرِّمون فيها القتال عِش رَجَبًا ترَ عَجَبًا [ مثل ]: يُضرب في الوعيد بعد حين ، وقيل كناية عن السَّنة رَجَبَ: (فعل) رَجَبْتُ ، أَرْجُبُ ، اُرْجُبْ ، مصدر رَجْبٌ ، رُجوبٌ رَجِبَ ، رَجَبَ رَجَبَ الوَلدُ : فَزِعَ رَجَبَتِ الْمَرْأَةُ : اِسْتَحْيَتْ رَجَبَ مِنْهُ : اِسْتَحْيا رَجَبَ السَّيِّدَ رَجْباً : خَافَهُ ، أَوْ هَابَهُ وَعَظَّمَهُ رَجَبَ العودُ : خرج منفردًا رَجَبَ فلانًا بقول سيِّئ : رجَمه به". فقط واللہ اعلم