سفر پر جانے سے پہلے قرآن شریف چومنے اور سر پر رکھنے کا حکم

اس عمل کو مسنون یا لازم سمجھے بغیر بطورِ  تبرک کرنے کی اجازت ہوگی۔ لیکن ہر مرتبہ سفر پرجانے سے پہلے اس عمل کا اہتمام معروف رسم ہے، اس لیے اس کے بجائے  ان اعمال کا اہتمام کرنا چاہیے جو   مسنون ہیں، مسنون اعمال ہی زیادہ  باعثِ اجروثواب  اور خیروبرکت کا ذریعہ ہیں۔ رسول اللہ ﷺ سفر پر روانہ ہونے سے پہلے جن دعاؤں اور معمولات کا اہتمام فرماتے تھے مسنون دعاؤں اور آپ ﷺ کی سنت کے متعلق کتابوں میں اکابر نے انہیں جمع کردیا ہے، رسول اللہ ﷺ کی سنتوں اور اسوہ حسنہ کے حوالے سے ڈاکٹر عبدالحی عارفی صاحب رحمہ اللہ کی کتاب ’’اسوہ رسول اکرم ﷺ‘‘ کا مطالعہ مفید ہوگا۔ اور مسنون دعاؤں کے لیے مولانا محمد عاشق الٰہی رحمہ اللہ کی کتاب ’’مسنون دعائیں‘‘ کی مراجعت کی جائے۔ فقط واللہ اعلم