عورتوں کے لیے سونے چاندی کے علاوہ کسی دھات کی انگوٹھی پہننے کا حکم

عورتوں کے لیے سونے اور چاندی کے علاوہ دیگر دھاتوں (لوہے، تانبے غیرہ) کی انگوٹھی پہننا جائز نہیں ہے، جیسا کہ ایک حدیث میں تانبے  کی انگوٹھی پہننے پر آپ صلی اللہ علیہ وسلم نے شدید نکیر کرتے ہوئے فرمایا: کیا ہوا کہ تم میں سے بتوں کی بو آرہی ہے!  اور خالص لوہے کی انگوٹھی دیکھ کر ارشاد فرمایا:مجھے کیا ہواکہ تم پر جہنمیوں کا زیور دیکھ رہاہوں!

بدائع الصنائع في ترتيب الشرائع (5 / 133):
"(وأما) التختم بما سوى الذهب والفضة من الحديد والنحاس والصفر فمكروه للرجال والنساء جميعا لأنه زي أهل النار ؛لما روينا من الحديث". فقط واللہ اعلم