میں گھر میں پیسہ رکھتا ہوں اس میں سے پیسہ کم ہوجاتے ہیں۔
بسم اللہ اور آیۃ الکرسی پڑھ کر پیسے یا قیمتی اشیاء رکھ دیا کریں، اور جس جگہ رکھیں وہاں {فَاللّٰهُ خَیْرٌ حَافِظاً وَّ هُوَ أَرْحَمُ الرَّاحِمِیْنَ} [یوسف:64] لکھ کر رکھ دیں۔ نیز اس جگہ کی مکمل حفاظت کا بھی انتظام کریں، کیوں کہ بسا اوقات گھر کے افراد میں سے ہی کوئی یا آنے جانے والوں میں سے کوئی رقم استعمال کرلیتاہے اور شیطان دل میں وسوسے ڈالتا رہتاہے۔ بہرحال اللہ تعالیٰ پر ایمان و یقین کی مضبوطی کے ساتھ اللہ کے نام پر اپنی اشیاء رکھا کریں اور ظاہری اسباب بھی اختیار کریں۔ فقط واللہ اعلم
فتوی نمبر : 144012200485
دارالافتاء : جامعہ علوم اسلامیہ علامہ محمد یوسف بنوری ٹاؤن