پہلے دن کی رمی بڑھاپے کی وجہ سے نائب نے کی تو کیا دم واجب ہوگا؟
سوال
اگر حاجی بوڑھا ہو اور پہلے دن ازدحام کی وجہ سے اس کا نائب رمی کرے، اگلے دو دن وہ خود رمی کرے تو کیا اس پر دم واجب ہے کہ نہیں؟
جواب
اگر بڑھاپے کی وجہ سے خود رمی کرنے میں شدید حرج ہو تو کسی نائب کے ذریعے رمی کروانے کی شرعاً اجازت ہے، لہٰذا مذکورہ صورت میں پہلے دن کی رمی نائب کے ذریعے کروانے سے دم لازم نہیں ہوگا۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144012200431
تاریخ16-08-2019
