حالت سفر کی قضاشدہ نمازوں کی ادائیگی کا طریقہ

 دورانِ سفر  جان بوجھ کر نمازیں قضا نہیں کرنی چاہییں، البتہ جو نمازیں کسی وجہ سے سفرِ شرعی کے دوران قضا ہوگئی ہوں تووہ نمازیں حالتِ اقامت میں بھی قصر ہی ادا کی جائیں  گی۔لہذا اگر کسی شخص کی سفر کی حالت میں  ظہر، عصر اور عشاء کی فرض نماز قضاہوگئی ہو تو حالتِ اقامت میں ان نمازوں کی   دو، دو رکعت قضا پڑھی جائے گی، جب کہ فجر کی مکمل دو رکعت فرض ، مغرب کی مکمل تین رکعت فرض اور عشاء کے دو فرض کے ساتھ  مکمل تین رکعت وتر کی قضا پڑھی جائے گی۔فقط واللہ اعلم