کھیرے جانور کی قربانی کرنا

جس بچھڑے کی عمر دو سال مکمل نہ ہوئی ہو، اس کی قربانی جائز نہیں ہے، اگرچہ ایسا جانور کتنا ہی فربہ کیوں نہ ہو۔

عمر مکمل ہونے کی علامت یہ ہے کہ وہ کھیرا نہ ہو، پس صورتِ  مسئولہ میں مذکورہ جانور کی اگر دو سال عمر مکمل نہیں ہوئی ہے، تو اس کی قربانی کرنے سے وجوب ساقط نہ ہوگا، اور جانور کی عمر مکمل ہونے کے بارے میں یقین ہونا ضروری ہے کہ یا تو وہ بچھڑا نگاہوں کے سامنے پلا ہو اور اس کی عمر دو سال مکمل ہوجائے یا ایسے جاننے والے سے جانور خریدے جس کے بارے میں یقین ہو کہ وہ اس بارے میں جھوٹ نہیں کہہ رہا۔  اس سلسلے میں صرف بیوپاری کی بات کا اعتبار نہیں ہے۔ فقط واللہ اعلم