علیہا جبین نام رکھنا
سوال
میری بیٹی کا نام ’’علیہا جبین‘‘ ہے، جب یہ پیدا ہوئی تھی تو مجھے کسی نے بتایا کہ ’’علیہا‘‘ حضرت علی کی بیٹی کا نام ہے اور اس کا معنی "بلندی" ہے کیا واقعی ’’علیہا‘‘ کا معنی بلندی ہے؟ اور کیا حضرت علی کی بیٹی کا نام ’’علیہا‘‘ تھا ؟
جواب
’’علیہا‘‘ اسم نہیں ہے ۔اس کامعنی "اس پر" ہے۔ ’’جبیں‘‘ کے معنی اردو میں پیشانی کے ہیں، مذکورہ نام رکھنا درست نہیں۔
البتہ ’’عَلِيَّـه‘‘ کا معنی: بلندہے۔ لیکن یہ حضرت علی رضی اللہ عنہ کی صاحب زادی کا نام نہیں ہے، بلکہ ’’علی‘‘ (مذکر صفت) کی مؤنث ہے۔ اگر نام ’’عَلِيَّـه‘‘ رکھا جائے تو یہ درست ہے۔
’’علیہا‘‘ کے بجائے صحابیات رضوان اللہ علیہن کے اسماءِ گرامی میں سے کوئی نام رکھ لیا جائے، یا عمدہ معانی کے اسماء میں سے کسی نام کا انتخاب کر لیا جائے۔ ہماری ویب سائٹ پر موجود اسلامی نام کے عنوان کا انتخاب کرکے عمدہ معانی کے اسماء دیکھے جا سکتے ہیں۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
