بد نامی کے ڈر سے میاں بیوی کا طلاق کے بعد، اس کا اظہار کیے بغیر ایک گھر میں رہنا

صورتِ مسئولہ میں اگرعورت کو تین سے کم طلاق ہوئی ہے تو دورانِ عدت رجوع اور بعد از عدت نئے مہر کے تقرر کے ساتھ تجدیدِ نکاح کی اجازت ہے، اس صورت میں بدنامی سے ڈرنے کے بجائے رجوع یا تجدید ضروری ہے۔   اور اگر تین طلاقیں ہوچکی ہیں جس کی وجہ سے رجوع اور تجدیدِ نکاح جائز نہیں ہے یا تین سے کم طلاق ہونے کے باوجود وہ اس کے ساتھ شوہر کی حیثیت سے نہیں رہنا چاہتی تو عدت گزرنے کے بعد شوہر سے جدائی واجب ہے۔ فقط واللہ اعلم