عبدالریان نام رکھنا

واضح رہے کہ کسی بھی  نام کے شروع میں ’’عبد‘‘  کا  لفظ لگانا اس وقت درست ہوتا ہے  جب لفظ ’’عبد‘‘  کے بعد اللہ تعالیٰ کے ناموں میں سے کوئی نام استعمال کیا جائے،  جیسے: ’’عبد الرحمن‘‘  یعنی ’’رحمٰن کا بندہ‘‘  اور اگر لفظ ’’عبد‘‘  کے بعد اللہ تعالیٰ کے ناموں میں سے کوئی نام استعمال نہ کرنا ہو تو ایسے نام کے شروع میں لفظ ’’عبد‘‘  استعمال کرنا درست نہیں۔ 

آپ نے سوال میں ’’ریان‘‘  نام سے متعلق سوال کیا ہے ؛ چوں کہ ’’ریان‘‘  اللہ تعالی کے ناموں میں سے نہیں، بلکہ جنت کے دروازوں میں سے  ایک دروازے کا نام ہے،  اس لیے اس نام سے پہلے لفظ "عبد" لگانا درست نہیں ہو گا، صرف ’’ریان‘‘  نام رکھ سکتے ہیں، اس کا مطلب ہے ’’سیراب کرنے والا‘‘۔ فقط واللہ اعلم