خیالات میں طلاق دینا/ طلاق معلق
سوال
(۱) دل ہی دل میں کہناکہ مجھ پر اپنی بیوی طلاق ہے توکیااس سے طلاق ہوجاتی ہے؟
(۲) بیوی کےساتھ انجکشن کے متعلق باتوں پر گرم ہونےکےبعد یہ کہناکہ اگرآپ نےانجکشن لگایاتو تو میرے اوپرطلاق۔ اس کا کیا حکم ہے؟
جواب
(۱) طلاق کے بارے میں سوچنے سے یا خیالات میں طلاق دینے سے طلاق نہیں ہوتی، لیکن اگر اسی سوچ کو زبان پر لے آیا اور زبان سے طلاق کے الفاظ کہہ دیے تو طلاق واقع ہوجائے گی۔
(۲)مذکورہ شرط کے ساتھ طلاق کو معلق کرنے کے بعد جب بھی شرط پائی جائے گی (یعنی بیوی نے انجکشن لگایا) تو بیوی پر ایک طلاق واقع ہوجائے گی۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144010201243
تاریخ31-07-2019
