ڈھائی تولہ سونا ملکیت میں ہونے کی صورت میں قربانی کے وجوب کا حکم

جب نقدی ضرورت کے لیے ہوتی ہے اور خرچ بھی ہوجاتی ہے تو اس نقدی کو تو نصاب میں شامل نہیں کیا جائے گا، اور عید الاضحٰی کے ایام میں بھی اگر یہی حالت ہو کہ ڈھائی تولہ کے ساتھ ضرورت سے زائد رقم یا کوئی بھی سامان موجود نہ ہو تو قربانی واجب نہیں ہوگی۔ اور اگر عید الاضحیٰ کے ایام میں ڈھائی تولہ سونے کے ساتھ ضرورت سے زائد کوئی سامان یا ضرورت سے زائد نقد رقم موجود ہو تو چوں کہ مجموعی مالیت ساڑھے باون تولہ چاندی سے زیادہ ہوجائے گی؛ اس لیے اس صورت میں قربانی واجب ہوگی۔ فقط واللہ اعلم