مسجد کی توسیع کرتے وقت پرانی مسجد کی حدود میں وضو خانہ اور بیت الخلا بنانے کا حکم

واضح رہے کہ جو جگہ ایک دفعہ  شرعی مسجد کی حدود میں داخل ہوجائے وہ جگہ قیامت تک مسجد کے حکم میں ہی رہتی ہے، اور شرعی مسجد کی حدود میں وضو خانہ یا واش روم (بیت الخلا) بنانا جائز نہیں ہے، اس لیے توسیع کرتے وقت اگر وضو خانہ اور بیت الخلا پرانی مسجد والی حدود کے اندر بنالیا گیا ہے تو یہ ناجائز ہے، اس کو توڑ کر اس جگہ کو نماز کے لیے مختص کرنا لازم ہے۔ فقط واللہ اعلم