عورت گھر کے خرچ سے بچا کر اپنی زکاۃ نکال سکتی ہے یا نہیں؟

مذکورہ صورت میں اگرشوہر کو  اس طرح گھر کے خرچ میں سے رقم بچا کر زکاۃ نکالنے  کی شوہر کی طرف سے اجازت ہو تو عورت کا اس طرح زکاۃ نکالنا جائز ہے،  اگر خاوند کی اجازت نہ ہو تو پھر اس عورت کو اپنی ذاتی رقم سے زکاۃ ادا کرنا لازم ہے، اور ذاتی رقم بھی نہ ہو تو زیورات کو بیچ کر زکاۃ ادا کرے۔ شوہر کی اجازت کے لیے اتنی بات بھی کافی ہے کہ اسے علم ہو اور وہ اس پر اعتراض نہ کرے۔  بیوی کے پاس اگر ذاتی نقد رقم نہیں ہوتی تو شوہر بھی اس کی طرف سے زکاۃ ادا کرسکتا ہے۔  فقط واللہ اعلم