نماز میں موبائل سے قرآن دیکھ کر تلاوت کرنے کا حکم

نماز میں قرآنِ مجید دیکھ کر پڑھنے سے خواہ وہ موبائل میں ہو یا مصحف میں، خواہ فرض میں  ہو خواہ نفل میں، اس  سے نماز فاسد ہوجاتی ہے، لہذا  صورتِ مسئولہ میں تہجد میں قرأت لمبی کرنے لیے موبائل سے دیکھ کر تلاوت کرنا درست نہیں ہے۔  (البحر الرائق 2/10، ط: سعید) 

اگر چند سورتیں ہی یاد ہیں تو نفل نماز میں ایک سے زائد سورتیں پڑھ کر دوسری رکعت میں بھی وہی سورتیں بلاکراہت پڑھ سکتے ہیں، لہٰذا اگر تہجد میں طویل قیام مقصود ہو تو ایک رکعت میں کئی سورتیں پڑھ کر دوسری رکعت میں ان ہی کو دوبارہ پڑھ سکتے ہیں۔  فقط واللہ اعلم