کیا میاں بیوی کے دور رہنے سے نکاح ختم ہو جاتا ہے؟

واضح رہے کہ میاں بیوی کے ایک دوسرے سے دور رہنے سے نکاح ختم نہیں ہوتا، خواہ بہت لمبے عرصے کے لیے ایک دوسرے سے الگ رہیں، نکاح کے ختم ہونے کے کچھ اسباب ہیں مثلاً طلاق، خلع، تفریق وغیرہ جب تک ان میں سے کوئی سبب نہ پایا جائے نکاح برقرار رہتا ہے۔

نیز واضح رہے کہ خلع کے صحیح ہونے کے لیے شوہر کی رضامندی ضروری ہوتی ہے، جب تک شوہر راضی نہ ہو خلع واقع نہیں ہو گی، اولاً تو یہی کوشش کیجیے کہ یا تو آپ کے شوہر آپ کے پاس آجائیں یا وہ آپ کو وہیں بلالیں، اگر دونوں صورتوں پر وہ راضی نہ ہوں اور  آپ خلع لینا چاہتی ہیں تو کسی طرح اپنے شوہر کو خلع پر راضی کریں اس کے بعد خلع درست ہو گی۔ فقط واللہ اعلم