نفل نماز میں تعداد یاد رکھنے کے لیے فنگر کاؤنٹر ہاتھ میں لینا جائز ہے؟
سوال
کیا نفل نماز میں ہاتھ میں کاؤنٹر یا تسبیح پکڑ کر نماز پڑھ سکتے ہیں؟ مثلاً بندے نے دو رکعت نماز میں سورہ اخلاص دو سو مرتبہ پڑھنی ہے تو اس کی تعداد پوری کرنے کے لیے کاؤنٹریاتسبیح ہاتھ میں پکڑ سکتے ہیں؟
جواب
کوشش تو یہ ہونی چاہیے کہ نوافل میں بھی تسبیح یا فنگر کاؤنٹر کے بغیر گنتی کرلے، لیکن اگر بھول جاتاہو تو نوافل میں ایسا کرنے کی گنجائش ہے، تاہم حتی الامکان حرکت کم سے کم کرے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144010200030
تاریخ12-06-2019
