ظہر اور عصر کی نماز پڑھنے کا آخری وقت

ظہر کی نماز کا آخری وقت مثلِ ثانی کے آخر تک ہوتا ہے، یعنی جب ہر چیز کا سایہ اصلی سایہ کے علاوہ اس چیز کے دو مثل ہوجائے، لیکن احتیاط کا تقاضا یہ ہے کہ مثلِ ثانی شروع ہونے سے پہلے پہلے ظہر کی نماز پڑھ لی جائے۔

عصر کی نماز کا آخری وقت غروبِ شمس (سورج غروب ہونے) سے پہلے  تک ہے، لیکن سورج  کی ٹکیا زرد پڑجانے اور اس کی تیزی ماند پڑجانے سے پہلے ہی عصر کی نماز ادا کرلینی چاہیے، سورج کی تیزی ماند پڑجانے کے بعد غروب سے پہلے عصر کی نماز پڑھنے سے نماز تو ہو جائے گی، لیکن اتنی تاخیر کرنا مکروہِ تحریمی ہے۔ فقط واللہ اعلم