چھ یا سات مرتبہ بیوی کو ’’میں تجھ کو فارغ کرتاہوں‘‘ کہنے کا حکم

اگر شوہر نے طلاق کی نیت سے یا مذاکرہ طلاق کے وقت  بیوی کو یہ الفاظ ’’ میں تجھ کو فارغ کرتاہوں‘‘  چھ یا سات مرتبہ کہے ہیں تو اس سے اس کی بیوی پر ایک طلاقِ بائن واقع ہو گئی ہے، اگر دونوں ساتھ رہنا چاہتے ہیں تو اس کے لیے باہمی رضامندی سے دو گواہوں کی موجودگی میں نئے مہر کے ساتھ نئے سرے سے نکاح کرنا پڑے گا، البتہ  دوبارہ نکاح کرنے کی صورت میں آئندہ کے لیے شوہر کے پاس صرف دو طلاقوں کا اختیار ہوگا۔ فقط واللہ اعلم