ناپاک کپڑوں کو پاک کرنے کا طریقہ
سوال
1. کیا جنابت کے بعد جن کپڑوں میں جنابت کی ہو یا جنابت کے وقت کپڑے اتار دیے ہوں اور بعد میں غسل سے پہلے پہن لیے ہوں، لیکن اُن پر پاناکی نہ لگی ہو، وہ کپڑے پہن کر نماز پڑھی جا سکتی ہے یا کپڑے تبدیل کرنا شرط ہے؟
2. اگر کپڑے ناپاک ہو جائیں یا جو کپڑے فرض غسل کی صورت میں پہنے ہوں ان کے علاوہ کپڑے پاس نہ ہوں کوئی سفر میں ہو یا کسی مئلے کی صورت میں کپڑے کیسے پاک کیے جائیں؟
جواب
1. اگر کپڑوں پر نجاست نہ لگی ہو تو وہ پاک ہی شمار ہوں گے، ان کا بدلنا ضروری نہیں، ان ہی کپڑوں میں نماز پڑھی جا سکتی ہے۔
2. اگر کپڑوں پر نجاست لگ جائے تو ان کو پاک کرنے کا طریقہ یہ ہے کہ جس جگہ نجاست لگی ہو اس جگہ کو تین مرتبہ اس طور پر دھو لیا جائے کہ ہر مرتبہ پانی ڈالنے کے بعد اچھی طرح نچوڑ لیا جائے، یہاں تک کہ قطرے ٹپکنا بند ہوجائیں، اس طرح تین مرتبہ کر لینے سے کپڑے پاک ہو جائیں گے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
