جہیز میں ملے سونے پر زکاۃ کب واجب ہوگی؟

صورتِ مسئولہ میں اگر آپ اس دس تولہ سونا ملنے سے پہلے ہی صاحبِ نصاب تھے تو سابقہ حساب سے زکاۃ  کا سال مکمل ہونے پر اس سونے کو بھی کل مال میں شامل کرکے کل کا ڈھائی فیصد بطور زکاۃ ادا کرنا آپ پر لازم ہوگا۔ تاہم اگر آپ پہلے سے صاحب نصاب نہیں تھے تو مذکورہ سونا جس اسلامی تاریخ میں آپ کی ملکیت میں آیا ہو اگلے سال اسی اسلامی تاریخ تک جو کچھ نقدی، سونا، چاندی آپ کی ملکیت میں ہو، اس کے کل کا ڈھائی فیصد زکاۃ  کے طور پر آپ کو ادا کرنا ہوگا۔ فقط واللہ اعلم