روزہ کی حالت میں خون کا عطیہ دینا

روزہ کے دوران اگر کسی مریض کو خون دینے کی ضرورت ہو تو خون دینا جائز ہے ، اس سے روزہ فاسد نہیں ہوتا، البتہ اتنا خون دینا مکروہ ہے جس سے روزے دار کو کم زوری  لاحق ہو جائے،  تاہم اس سے روزے پر کوئی اثر نہیں پڑتا۔ اگر خون دینا فوری ضروری نہ ہو اور کم زوری کا اندیشہ ہو تو  روزہ افطار کے بعد خون کا عطیہ دینا چاہیے۔

فتاوی عالمگیری میں ہے:

"ولا بأس بالحجامة إن أمن على نفسه الضعف، أما إذا خاف فإنه يكره وينبغي له أن يؤخر إلى وقت الغروب".  (كتاب الصوم، الباب الثالث فيما يكره للصائم وما لا يكره: 1/199-200، ط: رشيدية) فقط واللہ اعلم