کیا تراویح میں ثناء ترک کرنے سے نماز پر کوئی فرق پڑتا ہے؟

نماز فرض ہو یا سنن ونوافل پہلی رکعت کے آغاز میں ثناء پڑھنا سنت ہے،  اس لیے تراویح میں بھی اسے پڑھنے کا اہتمام کرنا چاہیے، نہ پڑھنے کی صورت میں سنت کے ثواب سے محرومی ہوگی اور تراویح میں جلدی کی وجہ سے اسے چھوڑنے کا معمول بنانا درست نہیں ہے۔ تاہم اسے ترک کرنے سے سجدہ سہو واجب نہیں ہوگا؛ کیوں کہ ثناء پڑھنا فرض یا واجب نہیں ہے۔

ممکن ہے کہ امام سرعت کے ساتھ ثناء پڑھ لیتے ہوں اور مقتدی نہ پڑھ سکتے ہوں، ایسی صورت میں  بلاوجہ امام کو موضعِ طعن نہ بنایا جائے۔ فقط واللہ اعلم