ایک عالم کا دوسرے عالم کو گالی دینے کا حکم

ازروئے حدیث شریف کسی بھی مسلمان کو گالی دینا گناہِ کبیرہ ہے، چاہے کوئی بھی دے اور کسی کو بھی دے، خواہ عالم ہو یا غیر عالم۔ اور عالم کا  گالی دینا گناہ ہونے کے ساتھ ساتھ علم اور امامت کے منصب کے بھی خلاف ہے، لہٰذا کسی امام کا دوسرے عالم کو گالی دینا اور بھی زیادہ قبیح عمل ہے، اس لیے زید کو اپنے اس فعل سے توبہ بھی کرنی چاہیے اور جس عالم کو گالی دی ہے اس  سے معافی بھی مانگنی چاہیے، اور آئندہ  گالی دینے سے مکمل اجتناب کرنا چاہیے۔  فقط واللہ اعلم