بیماری کی وجہ سے روزہ رکھنے کی طاقت نہ ہو تو مسنون اعتکاف کا حکم

رمضان کے آخری عشرہ کا اعتکاف مسنون ہے، اور مسنون اعتکاف کے لیے روزہ شرط ہے، روزہ کے بغیر مسنون اعتکاف صحیح نہیں ہوتا، البتہ نفلی اعتکاف کے لیے روزہ شرط نہیں ہے، اس لیے اگر آپ بیماری کی وجہ سے روزہ رکھنے پر قادر نہیں ہیں تو آپ کا مسنون اعتکاف تو صحیح نہیں ہوگا، البتہ نفلی اعتکاف کی نیت سے اعتکاف کرلیں، اس کا اجر وثواب ملے گا۔

الدر المختار وحاشية ابن عابدين (رد المحتار) (2/ 442):
" ومقتضى ذلك أن الصوم شرط أيضاً في الاعتكاف المسنون؛ لأنه مقدر بالعشر الأخير حتى لو اعتكفه بلا صوم لمرض أو سفر، ينبغي أن لايصح عنه بل يكون نفلاً فلاتحصل به إقامة سنة الكفاية".  فقط واللہ اعلم