زرم، قیسوا، زمال اور ماریہ نام رکھنے کا حکم

1۔ ’’زرم‘‘  کے معنی لغت میں آتے ہیں: ذلیل و رسوا، کنجوس، تنگ دست، ایسا شخص جس کے معین و مددگار نہ ہونے کے برابر ہوں، بے چین جسے کسی جگہ قرار نہ ہو۔

"زرم : (معجم الرائد) (اسم) 1- زرم : ذليل 2- زرم بخيل 3- زرم : مضيق عليه 4- زرم : قليل المساعد والمعين 5- زرم من لا يثبت في مكان".

2۔ "قِیْسُوْا": یہ فعل امر ہے، نام نہیں ہے۔

3۔ زِمال کے معنی کم زور و بزدل کے آتے ہیں۔

"زِمال : (معجم الرائد) زمال - و زمالة - (اسم) 1- ضعيف جبان".

مذکورہ ناموں میں سے کوئی بھی نام رکھنا درست نہیں، لہذا لڑکوں کے نام رکھنے ہوں تو  انبیاءِ کرام  علیہم السلام یا صحابہ کرام رضی اللہ عنہم کے ناموں میں سے کوئی نام یا اچھے معنیٰ والا عربی نام رکھ لیں، اور لڑکیوں کے نام رکھنے ہوں تو صحابیات رضی اللہ عنہن کے اسماء میں سے کوئی نام رکھ لیا جائے۔ ہماری ویب سائٹ کے سرورق پر اسلامی نام کے سیکشن میں لڑکوں اور لڑکیوں کے اسلامی نام موجود ہیں، جنس اور حرف منتخب کرکے نام پسند کرسکتے ہیں۔

’’ماریہ‘‘  نام رکھنا درست، بلکہ باعثِ برکت ہے؛ کیوں کہ ’’ماریہ‘‘ رسول اللہ ﷺ  کی وہ باندی تھیں،  جن سے آپ ﷺ کے صاحب زادے حضرت ابراہیم رضی اللہ عنہ تولد ہوئے۔  ’’ماریہ‘‘ کا معنیٰ ہے سفید رنگت والی۔

القاموس المحيط (ص: 477):

"وامرأة مارية: بيضاء". فقط واللہ اعلم