سپلائی چین فیکٹرنگ میں کام کرنے کا حکم
سوال
کیا کسی سپلائی چین فیکٹرنگ (supply chain factoring) کمپنی میں کام کرنا حلال ہے؟ اس طرح کی کمپنی کسی ایک کمپنی کی واجب الادا رقم کو کسی دوسری کمپنی کو وقت سے پہلے ادا کردیتی ہیں اور اس پے کچھ شرح سود وصول کرتی ہیں۔ مثلاً زید کے ذمہ میں عمر کے 100 روپے ہیں جو اس کو 3 مہینوں میں ادا کرنے ہیں۔ یہ کمپنی بوقتِ ضرورت عمر کو فوراً 90 روپے دے دے گی اور 3 مہینے بعد زید سے 100 روپے وصول کر لےگی۔
جواب
supply chain factoring کی تفصیلات سے قطع نظر جو مثال آپ نے دی ہے اگر کمپنیاں صرف یہی کام کرتی ہیں تو یہ درحقیقت بیع الدین ہے جو کہ جائز نہیں ہے اور سود ہے۔ اس میں عمر کمپنی کو اپنا قرض بیچ دیتا ہے اور کمپنی بعد میں زیادہ وصول کرلیتی ہے۔
البحر الرائق شرح كنز الدقائق ومنحة الخالق وتكملة الطوري (5/ 280):
"ولاينعقد بيع الدين من غير من عليه الدين. ويجوز من المديون لعدم الحاجة إلى التسليم". فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
