کرسی پر نماز پڑھنے والے کی امامت کا حکم

جو شخص رکوع و سجود سے قاصر ہونے کی وجہ سے کرسی پر بیٹھ کر اشارہ سے نماز پڑھتا ہو اس کا امامت کرانا درست نہیں، اس کی اقتدا میں نماز نہیں ہوتی، لہذا اگر حافظ صاحب معذور ہیں اور اس کی وجہ سے کرسی پر نمازیں پڑھتے ہیں تو وہ اس حالت میں امامت نہ کریں۔

الدر المختار وحاشية ابن عابدين (رد المحتار) (1/ 579):
"(و) لا (قادر على ركوع وسجود بعاجز عنهما) لبناء القوي على الضعيف". فقط واللہ اعلم