کیا عقیقہ میں دو بکرے الگ الگ دن ذبح کر سکتے ہیں؟ / نماز کی قراءت میں فحش غلطی کا حکم

1۔ لڑکے کے عقیقہ میں ساتویں روز دو بکرے ذبح کرنا مستحب ہے، اسی پر عمل کی کوشش کرنی چاہیے، البتہ اگر کوئی عذر ہو تو ایک بکرا ساتویں روز اور دوسرا چودہویں دن ذبح کرنا بھی جائز ہے۔

2۔ قراءت میں فحش غلطی اگر اس نوعیت کی ہو کہ معنی بالکل تبدیل ہوجائے تو اس سے نماز فاسد ہوجاتی ہے،  چاہے مقدارِ واجب قراءت کی جا چکی ہو یا نہیں، البتہ اگر  ایسی غلطی کی اصلاح دورانِ نماز اسی وقت کرلی گئی یا لحنِ جلی ہو لیکن معنی میں ایسا خلل نہ آئے جس سے نماز کے فساد کا حکم لگے، یا لحن خفی ہو تو اس سے نماز فاسد نہیں ہوتی۔ فقط واللہ اعلم