بغیر اجازت کیے گئے نکاح کے فارم پر لڑکی کے انگوٹھا لگانے سے نکاح کا حکم

اگر نکاح کے وقت اس لڑکی  نے اس نکاح پر رضامندی کا اظہار نہیں کیا تھا، اور نہ ہی خود اس نکاح کو قبول کیا اور نہ ہی کسی کو مجلسِ نکاح میں اپنی طرف سے اس نکاح کو قبول کرنے کا وکیل بنایا تو یہ نکاح منعقد ہی نہیں ہوا، بلکہ لڑکی کی مرضی پر موقوف ہے، اگر لڑکی نے نکاح کیے جانے کی اطلاع ملنے کے بعد قولاً یا فعلاً رضامندی کا اظہار کردیا تھا تو نکاح منعقد ہوگیا تھا، لیکن اگر لڑکی نے اطلاع ملنے پر اس نکاح کو رد کردیا تھا تو پھر یہ نکاح کالعدم ہوگیا تھا۔ فقط واللہ اعلم