لقمہ لینے سے سجدہ سہو لازم نہیں آتا
سوال
امام نماز پڑھا رہا تھا کہ دورانِ قرأت ایک آیت چھوٹ گئی ، چھوٹنا ہی تھا کہ پیچھے سے ایک صاحب نے لقمہ دیا، امام نے اسے ٹھیک کر لیا تو کیا اب سجدہ سہو واجب ہو گا؟
جواب
نماز میں امام کے قراءت میں بھول جانے اور پھرکسی نمازی کے لقمہ دینے پر اس آیت کو درست کرنے یا پڑھنے سے سجدہ سہو لازم نہیں آتا ، نماز صحیح ہوگئی۔ البتہ مقتدیوں کو چاہیے کہ بلاضرورت امام کو لقمہ نہ دیں۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144008200836
تاریخ09-05-2019
