حالتِ احتلام میں نمازیں پڑھ لیں تو کیا حکم ہو گا؟

صورتِ مسئولہ میں جب آپ نے سونے کے وقت اپنے کپڑوں پر احتلام کے اثرات دیکھے اور آپ کو یقین ہے کہ یہ منی ہی ہے تو ایسی صورت میں  آپ کے اوپر اُسی وقت سے غسل لازم ہو گیا تھا،  جب آپ سو کر اٹھے تھے، اگر دوپہر کو ان کپڑوں میں سوئے تھے تو ممکن ہے کہ اسی وقت احتلام ہوا ہو تو ایسی صورت میں اسی وقت سے غسل لازم ہو گا۔

اور اس حالت میں آپ نے جتنی نمازیں پڑھی ہیں ان نمازوں کی قضا آپ کے اوپر لازم ہو گی۔ 

الفتاوى الهندية (1/ 15):
"وإن رأى بللاً إلا أنه لم يتذكر الاحتلام، فإن تيقن أنه ودي لايجب الغسل، وإن تيقن أنه مني يجب الغسل، وإن تيقن أنه مذي لايجب الغسل". فقط واللہ اعلم